موضوع الحجاب ....
رأينا فى الايام السابقة راى متخلف يتكلم عن الحجاب و ضجة حصلت و ناس تشتم و ناس تكفر
طب و بعدين؟
خرجنا بايه من ده كله ؟؟؟
-انا باقترح اننا نناقش قضية الحجاب بعيدا عن سياسة الرد و القذف و نستغل الضجة اللى اتعملت اننا نفهم كل حاجة عن الحجاب صح و ناخد منها فوائد
-نتكلم عن الحجاب كقيمة و معنى وفضيلة يجب ان تتمسك بها كل فتاة.
-و هل الفتاة جمالها بينقص لما بتلبس - الحجاب؟
-نتكلم عن شكل الحجاب ....و صفته......نتكلم عن فوائده للفتاة المسلمة
--ياريت بجد تشاركوا فى الموضوع دا لانه مهم جدا وممكن نطلع منه بفوائد جلية ...جزاكم الله خيرامحمد يوسف
4 comments:
السلام عليكم ورحمة الله وبركاته
أنا عارف اني تقريبا مش بشارك خالص بقالي كتير..بس ده لظروف خاصه....اعذروني
أنا حابب جدا الفكره...واسمحولي اقول رأيي...أنا واحد من الناس اللي مقدرش اتكلم نهائيا ولا اجادل كتير في اي حاجه مثبته بالقرآن أو الاحاديث النبويه الشريفه اللي مذكوره ومؤكده وقويه عن الرسول الكريم عليه افضل الصلاه والسلام
عشان كده...أنا مش هتكلم عن الحجاب... لأني مقتنع بيه جدا جدا جدا....أنا عايز اتكلم عن النقاب...بصراحه
كلام كتير اتقال عليه...من مسلمين وغير مسلمين
عشان مطولش في الكلام..أنا شايف ان النقاب ده فضل...ولكنه مش فرض..ومش اي حد يلبسه..خصوصا..لما تكون موظفه بتتعامل مع الجمهور...والامثله كتير...ممرضه في مستشفى عام...موظفة شباك...موظفه بتتعامل مع الطلبه...وأمثله كتييييييييييير...بصراحه..أنا في ناس كتير اعرفها منقبه..اقارب ومعارف وكده..ومش بضايق ابدا منهم لما اتعامل معاهم...لكن مش عارف ليه بحس اني مش بعرف اتعامل مع واحده منقبه لما تكون موظفه بس !!! بحس ان في حاجه غلط...وبحس كمان اني مش فاهمها...يمكن ده عشان أنا بعتمد كتير في تعاملاتي مع اي حد على لغة العيون والجسد
المهم...أنا اللي بقوله ده رأيي الشخصي...وده مش معناه إني ضد النقاب...ولكني بقول انه ماينفعش مع الناس كلها.. ولذلك هو فضل..مش فرض...والله اعلم
أهدوني للرأي السليم هداكم الله
سلام
السلام عليكم
أولا أشكرك يوسف علي الفكرة
انا عايز أتكلم عن الحجاب من وجهة نظر أخري خالص غير الأدلة ولآيات والأحاديث وكلام الفقهاء
طبعا الكلام ده مهم جدا وهو مصدرنا الأول في التشريع لكن انا شايف ان اكلام ده أي حد عايز يوصله هيوصله بسهولة
انا بس عايز أسجل شوية ملاحظات عن الواقع اللي حاصل
أولا:ليه بيعملوا كل ده؟
الحمد لله هناك موجة التزام جميلة جدا ومباركة جدا سواء في العامة أو حتي المشاهير
وذلك لعدة أسباب منها أن الناس اعتقد أنها قاست من البعد عن الله واتباع طريق الشهوات ووسائل الاعلام
وقد صدق الله العظيم
"والله يريد أن يتوب عليكم ويريد الذين يتبعون الشهوات أن تميلوا ميلا عظيما
يريد الله أن يخفف عنكم وخلق الانسان ضعيفا"
هل تلاحظون معي انطباق هذه الايات علي الواقع الذي نتحدث عنه؟؟؟؟؟؟؟
ان الذين يتبعون الشهوات هم الذين ينشرون الأفكار الهدامة وهم الذين يسؤهم أن يروا المرأة المسلمة في جمال حجابها لأنهم يريدون لنا أن نميل عن الصواب ونحيد عن الحق
ثم؟؟
اذا اتبعناهم وملنا عن الطريق تعبنا وعانينا وذقنا مرارة المعصية واثارها السيئة علي حياتنا بدأنا نبحث عن طريق آخر
وسيلة أخري تحقق لنا السعادة فاذا بنا نصطدم بالحقيقة الكبري التي تقررت في الآية الثانية
ان الله يرد أن يخفف عنا وأن في ديينا أسلم الطرق وأفضلها وأسرعها الي السعادة
ثانيا:أن هذه الموجة العدائية جاءت متناغمة ليست من فرد بعينه أو هيئة بعينها
فقبل أيام مما قاله وزيرنا المثقف كنت قد قرأت عن أزمة النقاب في أوروبا
وتصريحات من بريطانيا علي لسان جاك سترو ومشكلات من السويد بسبب عاملة منقبة ووو
ثم
سعاد صالح
وليس لمثلي أن يتكلم عنها فهي أستاذة الفقه المقارن
لكن
تصريحاتها عن النقاب مريبة جدا لدرجة أنها قالت عنه أنه ليس من الاسلام بل هو عصبية وتخلف من الرجال
لدرجة أن أحد الشيوخ رفع عليها قضية سب علني
اذن الحملة عامة
انتهت بكلام فناننا الوسيم حسين فهمي
ثالثا
النتيجة
أنا أري أن النتيجة دوما في صالح الاسلام وسبحان الله
وعسي أن تكرهوا شيئا وهو خير لكم وعسي أن تحبوا شيئا وهو شر لكم
رابعا
فماذا نفعل؟؟
أنا أري ان الاسلام منتصر باذن الله في اي معركة متكافئة وخير مثال علي ذلك
حجم مشاهدي قناة الناس الآن!!!!!!!!!!!! !!!!!!!!! !!!!!!!!! !!!!!!!!! !!!!!!!
المهم أن يجد الناس البديل مما يمس فطرتهم
فهل من مقدم للبديل؟؟
هذه هي القضية
أن نقدم نحن البديل .
أن نقدم الاسلام في صورته الصحيحة متمثلا في أفعالنا وأن نكون خير قدوة في كل شيء
وأن نكون أسبق الناس الي الخير
والا فنحن ملومووووون ولايحق لنا لوم أحد
السلام عليكم ورحمة الله وبركاته
حقيقى الكلام على الحجاب من الكتاب والسنة شىء معروف للجميع وبديهى ولا يحتاج لجدال أو إثبات
الكلام المفروض يكون عن نظرات المجتمع والناس للموضوع :
الجمال ده نوعين : جمال روحى وفطرى وجمال مادى وجسدى
أنا رأيى الشخصى ان الحجاب " بصورته الاسلامية الصحيحة " هو من نوع الجمال الروحى الفطرى المتسم بالنقاء والرقى والسمو عن أى معنى مادى .......وعلى فكرة الحجاب ده من أشد وسائل تكريم المرأة فى الاسلام لأنه يظهرها للمجتمع فى صورة الانسان ذو العقل والكيان المؤثر بعكس التبرج الذى يظهرها كسلعة مروجة وجاذبة للنظرات اللا إنسانية واللا عقلية
أما التبرج " بأى صورة من صوره " فهو من نوع الجمال المادى الجسدى....مع شكى فى وجدوده....الذى يودى بالمرأة الى منتهى الذل والى البعد عن التعامل الفكرى ذو الطابع النقى المترفع عن الدنيّات....
**بالنسبة للنقاب فأنا من عاشقات المنتقبات...لأنى عارفة أد ايه هما تغلبوا على أشياء كثيرة جدا جدا فى سبيل """""زيادة الفضل والايمان""""" النقاب شىء صعب فى التنفيذ وأكيد نتيجة لصعوبته ديه له الأجر الكبير ان شاء الله...... أما بالنسبة لفرضيته من عدمها فأنا ممن يعتقدون أنه ليس بفرض ولكنه من الفضل الكبير.......والله أعلى وأعلم
"اللهم إنى أسألك الهدى والتقى والعفاف والغنى"
اللهم أمين
سلام
السلام عليكم
و الله انا مش عارف أقول اييه انا شايف إن الضرب فى الدين بقى دلوقتى فى أقوى و أعنف موجاته وبعد زمان مش من زمان اوى من سنتين فاتوا كنا بنحارب على السنن و النوافل ضد الحروب المقامة عليها نقف النهارده نحارب على أصل من أصول الدين
بدعوى إن لكل إنسان حريته و مسؤليته عن الكلام اللى بيقوله
و المشكله هنا مش مشكلة مسؤل كويس و لا مسؤل مش كويس و لا الحزن اللى جوانا كفاية إنه يغير احنا بعملنا و فكرنا و مجهودنا اللى هانغير فكل واحد فينا يدور على نفسه و على أقرب الناس لييه و يدلهم و يقولهم الصح فين و يطبقه على نفسه و يحاول يطبقه على أهله و أصدقائه و معارفه ده عشان مايجيش يوم علينا نسال روحنا : من أين نؤتى؟ و الممصايب ده بتتحدف علينا منين ؟
و المشكلة فعلا إن أغلبنا مش عارف إن كل حاجة بسيطة غلط بعملها انا و انت و أنت بتجر البلوى الكبيرة علينا كلنا حتى على الصالحين منا كمان تخيل كده لو أنت و أنا اتسألنا إن إحنا نقول عشر أدلة عن الحجاب من القرآن و الحديث بالنص الصحيح ليهم و بالأسانيد هل يا ترى كلنا هانعرف نقولهم و نسمعهم ولا هانخش على النت نجيبهم؟ و أحنا المفروض علينا إن الإسلام ده قضية حياتنا !!!!!!!!!!!!
بعد ما رديت على السؤال
لاقيت أييه؟ أنا لاقيت إن اليوم اللى فات عليا سمعت فيه إن رسول الله إتسب على اعين البشرية و اليوم اللى سمعت فيه إن الحجاب تخلف كانوا رسائل من ربنا بيورينا فيهم إحنا عملنا أييه فى نفسنا بالنوم و الراحة و الكسل و عدم العمل باللى إتعلمناه و ياريت ترد على السؤال و تبعتلنا عملت اييه يا إما تكون من الناس التمام فنهنيك أو من الناس اللى زيى فنعزييك
ربنا يلهمنا الخير و يثبت أقدامنا على الطريق الصحيح فى الدنيا و على الصراط فى الآخرة
Post a Comment